هالبلد يهلس بريشه كل من هب و دب
ـ عبود ألكرخي ينهض من قبره ـ
عبود عازف ألعود
احد أهداف هذه ألأبيات هو دعوة لأصحاب ألملكات ألشعرية وألأدبية و ألمختصين في علم ألنفس لتوجيه عنايتهم ألى أعادة ألثقة ألى ألشخصية ألعراقية بعد ما أعتراها من التفتت و ألأضمحلال و فقدان ألشعور بألأمن و ألأستقرار تحت قساوة هذه ألرياح وألتيارات ألعاتية , أجتماعية كانت أم سياسية أم أقتصادية أم موجات رعب و تصفيات جسدية بشعة.
يمكن ألقو ل أن ألفكاهة ألبريئة هي منتجع للنفس و غذاء للروح و أن أللغة ألدارجة " ألعامية " هي
" اللغة ألأرض" فهي ألقاعدة ألتي نشأ ت عليها و تأسست منها لغات و ثقافات منوعة . وعبر لغة ألأرض هذه و ألفكاهة ألهادفة ترك أصحاب ألمواهب ألشعبيين أمثال عبود ألكرخي و عزبز علي بصمات مؤثرة على مسرح حياة ألعراقيين. اللغة ألدارجة و ألفكاهة ألذكية ألهادفة قوتان فاعلتان ينبغي توظيفهما بعناية. يجب أن لا يموت ألأمل داخل ألشخصية ألعراقية . يجب أن لا تنضب ألأبتسامة من على شفاه ألعراقيين لاسيما ألشباب و ألأطفال حتى تحت وطأة هذه ألظروف ألقاسية ألمريرة .
و في أجواء ألأنتخابات تلعب ألفكاهة دورا مهما و ينبغي أن لا تؤجج ألحرائق بل ينبغي أن يتعايش ألجد مع أنسام ألفكاهة في تناغم مؤنس حتى و أن لجأ بعض ألخبثاء أليائسين ألى تبني ألجريمة و تعكير ألصفو هنا و هناك . هذا جزء مهم من ضرورات ألصمود في هذه ألمرحلة ألخطيرة عبود
() () ـ 1 ـ () ()
و كل وكت ظليت أغني و عالجتف راكب الجني
وطني ما اجوز منه و فكري ما يبتعد عنه
و لا أحد يشغلني عنه و لو يكطعوني ثريد
() () ـ 2 ـ () ()
و ياور يحبه لبلاده أوو وحدة ألدولة مراده
معلك بصدره جراده مسالم و كله سعاده
بمنظره يقره الجريده و سبحته تطكطك بأيده
أبد ما بطل صلاته و كل وكت لابس عباته
تعيش يا شيخ العشاير ندعو لك فوك المناير
نريد من عندك هديه تقتلنه الطائفية
دمرت هاذي أللعينة كل بنيان ألسفينه
شنو شيعي شنو سني؟ شنو هاذه مو منك أوو مني؟
مسلما كان محمد عنده ألأسلام أوحد
أبدا ما كان شيعي أبدا ما كان سني
() () ـ 3 ـ () ()
وانته يا شبه ألأسد علاوي و انته يا أحله تمر خستاوي
نريد منك سالما هاذه الوطن خاليا من كل أنواع المحن
أكنس ألأجواء من هاذي الفتن فالوطن كل الوطن أمن الوطن
طهر التربة من أنجاسه وللبشر رجع لها أنفاسه
و اعلك شموع الفرح لأعراسه يلله يا أبن الوطن علاوي
مو سهل هاذه الذي نحجيه ألك حملك شثكله ألك رب الفلك
يلله يا احله تمر خستاوي عسه من عاداك يصبح واوي
() () ـ 4 ـ () ()
و انته يا أبن الجلبي نريدك أحنه والنبي
بطل أوو شهم أوو أبي سلس مثل اللبلبي
شويه من تحجي مرامك نبرة البوص بكلامك
حته من تمشي بمشيتك بوصك يخرب قضيتك
هاي فد لفته خفيفه تطلب ألأذن الرهيفه
كل أنواع التواضع قوة خلف الدوافع
كلنا نعرف جهادك و الله ما أنبل مرادك
أدركت أنت الحقيقه بالتفاصيل ألدقيقه
أدركت أنت بذكاءك كل أشكال الصعاب
الخبره والعلم و الثقافه و كل ألوان الجهاد
تنكلب كلهه رماد بحكم سيطرة الفساد
شلون تنحل القضيه ؟ شلون تنزاح البليه؟
فكرت أنت بمليه و اعرفت درب الصواب
قوة عظمى فقط تستطيع الأنقلاب
كلبت كل الخطط و احسبت الف حساب
أحنه نحتاج التحالف بشرط ما اتضيع الحقوق
يجب توحيد المصالح يجب توحيد الصفوف
أوو هاكذا النصر تأسس أوو طاح صدام أوو تكربس
هنا أريد أوكف شويه و انظر شويه لبعيد
من تحالفنه سويه أوو ردنا نجتاح الصعاب
تقتضي هاذي القضيه حكمه و هوايه رويه
ألقوه من أحنه سويه ألفركة للتكسة باب
بيننا ما يجوز تصادم أو شتائم أو سباب
و اللي بيته من كزاز و مقابله بيته صخر
شلون يشمر بالحجر؟ هاذي عبره يا بشر
() () ــ 5 ـ () ()
ليش يا ابن الباججي؟ شلك بهذا الحجي؟
جنه نعتبرك خبير أوو بالفهم أنت أمير
تعرف اسرار السياسه و كل ألوان الكياسه
حطمت بيدك سمعتك أوو ضيعت كل اللي تعبته
ليش تشويش الحقائق؟ ليش أشعال الحرائق؟
ألشيعه ماعدهم كفاءه؟ هاي أسباب البراءه
لحكم صدام أوو زمرته و الحكم كبله العراق
هاي عين الطائفيه هاي بسمار الشقاق
شنهو هاذه اللي حصدته من وراء الطائفيه
ليش يا ابن الباججي ؟ شللك بهذا الحجي؟
() () ـ 6 ـ () ()
ألبارزاني الطالباني و الكرد كلهم معاني
ذوله أبطال العراق ذوله بالشده رفاق
ذوله رمز للجهاد ذوله مفخرة البلاد
نص قرن او ما يزيد صمدو مثل الحديد
بعد ما انكلبت عليهم أخذو حقهم باديهم
شكد مأسيهم صعاب؟ شكد عذاب في عذاب
أه يا كلبي عليهم من عذاب الظالمين
ألله رد رحمته ليهم و هو خير الراحمين
نجباء أوو كرماء أوو كل صداقتهم وفاء
مرحه يا أحله رفاق مرحه يا كرد العراق
() () ـ 7ـ () ()
يا رجال الدين أهديكم سلام صوبكم تتوجه عيون ألأنام
ركن عز أوو مفخره لهاذه البلد بالجهاد أوو بالعزيمه والجلد
من دروس الظلم علمنا اللئام فكرنا الحر لنا خير مرام
حاربو الظلم بشد أو بمد كونو للأحرار بالفكر سند
ديننا حب و نصح و سلام ديننا حرية بين الأنام
() () ـ8 ـ () ()
أنت يا الكلبك صخر أنت يا المخك حجر
شلون تكتل أبرياء ؟ بلا ضمير و بلا حياء
شلون تكتلك طفل؟ بالبراءه مكتمل
شلون تكتلك نساء؟ شلون تيتم أبرياء؟
ليش خربت البلاد؟ ليش أرعبت العباد؟
لعنة الله عليك أتكطعت أثنين أديك
شوكت يقتص القضاء؟ وين لعنات السماء؟
شيخك أستاذ الدجل غط في بحر الغباء
دمرت دور العباده و أغظت ألأنبياء
ألمسيحيون منا و لنا هم أصدقاء
هم لهاذي الأرض أهل و لهم نحن غطاء
ليس هاذي الأرض حكرا لعلاء أو سناء
كل من عاش عليها أخوة تحت السماء
() () ـ 9 ـ () ()
ليش هالحرب الضروس؟ ليش يا كاطع الروس؟
ليش ما ترضه المحبه؟ ليش ما ترضه السلام؟
ليش يا أبن ألأوادم همك أوو غمك خصام؟
ألدين عنوان الفظيله و المحبه و الوئام
الدين يأمر بالتأخي الدين يأمر بالسلام
شتفهم أنت من الديانه؟ حرب أوو كتل أوو مهانه؟
هاي وحشيه أوو ألم هاي أمراض أوو سموم
هاي مزرعة الهموم هاي شؤم و سقم
هاي مو جرعة حشيشه هاي لمبه بليه شيشه
يعثول الدخان منه أوو تنشر السقمان سمه
هالوطن يهلس بريشه كل من هب و دب
هالوطن شاف الغرايب هالوطن شاف العجب
هالوطن عن وعيه غايب و البلد صارت خرايب
وين ثروات البلاد؟ وين أيراد النفط؟
وين ضحكات الشباب؟ وين فرحات الطفوله؟
عمي يا أهل العراق جوزو من هاذه الشقاق
يا بشر كفو الطلايب صيرو أخوان أوو حبايب
كلمن يدور خبزته و الوطن أرض الجميع
() () ـ 10 ـ () ()
( يتبع)